|
جاني وانا في وسط ربعي وناسي
جاني وانا في وسط ربعي وناسي
جاني نشلني مثل ما ينشل النـــاس
مني نشل روح تشيل المآســـــــي
تشكي من ايام الشقى تشكي اليـاس
اثر الالم في سكره المـــوت قاسي
ماهالني مثله وانا انسان حـــساس
جابوا كفن ابيض مقاسه مقاســــي
ولفوا به الجسم المحنط مع الـراس
وشالوني اربع بالنعش ومتواســي
عليه ومغطى على جسمي البـــاس
وصلوا علي وكلــهم في مــآسي
ربعي ومعهم ناس من كل الاجناس
ياكيف سوا عقبنا تاج راســي
وامي الحبيبه وش سوى بها الياس
اسمع صدى صوت يهز الرواسي
قولولها لاتطـــلــم الخــد يانــاس
قولولها حق وتجرعت كاســي
لاتحترق كل يبي يجرع الكـــــاس
اصبحت في قبري ولابه مواسي
واسمع قريع نعولهم يوم تــــنداس
من يوم قــفوا حل موثق لباسي
وعلى رد الروح صوت بالاجراس
هـيكل غريب وقال ليه التــــــناسي
صوته رهيب وخلفه اثنين حـــراس
وقف وقال ان كنــت يانـمر نـاسي
هاذي هي اعمالك تقدم بكـــــراس
ومن هول ماشفته وقف شعر راسـي
وانهارت اعصابي ولاارد الانـفاس
يالــيتــني فكرت قبل انغمـاســـي
واصرخ واقول الموت وأحذر الناس
|
