الــوصــيــةالا يالله ياللـي فـوق يسهـر
على خلقه .. ولا خاب الرجا به
قدير(ن) فوق كل الخلق يقـدر
بديع الكون ما قد صـك بابـه
بعلمـه دارة الافـلاك واسفـر
صباح الكون وتعلـى سحابـه
طلبته يغفـر ذنوبـي وباجهـر
عسى يوم الحشر نسلم حسابـه
يقول معيض هاض القاف وابحر
عسى في ما نوا يلقى الهوا بـه
بدعت القاف وانشـد واتحـذر
اخاف من الخطى يذبح صوابـه
كـلام الرجـل ميزانـه منشـر
عدال وميل مـا قالـه رضابـه
وهرج ما يجـي ملحـه مقـدر
يشين ان زاد والناقص هزابـه
وصيـه قلتهـا لابنـي تجيـر
ل نايف تنفعـه بـأول شبابـه
وللي فـي حياتـه مـا تنـور
ولا جته النصيحه مـن قرابـه
وصيه قالهـا لـي مـا تعـذر
ابوي اللي علي راسي حجابـه
تسمع يافطيـن العقـل واحـذر
ترى الدنيا لهـا مليـون رابـه
اذا مـا تنقلـك رجلـك بمنـدر
يضيع الحلم في بعض الشعابـه
توقع ليـن تعرفهـا وتضهـر
وتفلح مثل من مجـده حكابـه
لسانك سيف فيه الخير والشـر
وعقلك قايـده وايـدك نصابـه
تقلد علم شيخ (ن) قـام شمـر
على عضده وراس المجد صاب
امور الديـن تابعهـا وتضفـر
تعلمهـا ولا تخشـى صعابـه
صلاتـك لا تخليـهـا تـهـور
عمود الديـن لا تنسـى ثوابـه
ترا خسران من عنهـا تجـور
جهنم في النهايه هـي عقابـه
وصومك وان نويت الحج فاظفر
بيوم فيـه فـاز اللـي دعابـه
وزكاة المـال فيهـا لا تحـور
ودينك لا بداء هات الوفـا بـه
اقوله مثل من قـد قـال قصـر
عسى ربي يسامح مـن وزابـه
عسى ربي يسهـل مـا تعسـر
وينجينـا بعفـوه مـن عذابـه
وباقي ما بقى تجنيـه اذا اثمـر
تخير لولـه فـي كـل غابـه
زمانك لو صفالـك يـوم ثـور
تحـذر عجتـه واغبـر ترابـه
تخير فـي زمانـك كـل بنـدر
تـرى الايـام غاربهـا غرابـه
يقولون العرب في الرجل مخبر
خوال وجـد وافعـال الذيابـه
حذاري لا يغـرك فيـه مضهـر
وجوفه كالكتـاب بـلا كتابـه
ولا تخشـى الفقـر والله قـدر
لكل انسـان قوتـه واعتنابـه
علوم الطيـب عنهـا لا تعـذر
بشوش الوجه خلـك لا تهابـه
ولا يغريك من في البخل عمـر
كنـوز المـال ويشقـق ثيابـه
تشوف المسكنه فيـه امتدمـر
واذا جالك لـزوم صـك بابـه
ولا تشكـي لغيـر الله واجهـر
بطيب الحال لو ذلـك صوابـه
ترا الشكوا على غيـره تفسـر
بامور مالها في الاصـل جابـه
ورفيقك لو على شانـك تكـدر
فعـزه لـب صوتـه لا دعابـه
واذا زل الرفيق اصبـر تصبـر
عطه في لولـه حـق القرابـه
واذا ثنى الخطـى قلـه تبصـر
وطلاب القداء مـا قـد خطابـه
وجـارك عنـد بابـه لا تعثـر
وصون النفس لا تقرب زهابـه
عليك حقوق لـو تقفـاه تكبـر
وتهوي بك على حـد الحرابـه
وصديقك من تمنى الخير واستر
اذا شافك بحـال زيـن طابـه
يودك مثل نفسـه مـا تحسـر
اذا فوض عليـك بشـي سابـه
وعدوك لو ضحك لك يـوم دور
عليك الهينـه لـو بـان نابـه
تراء المكسور لو كانـه تجبـر
مصيره ينكشف مكمن صوابـه
ونفسك عند من تقـواه تنهـر
ولو كانه ضعيف ارهب جنابـه
ومدحك في قليل العرف مخسـر
تزيده جهـل ويشعـب ركابـه
ومدحك في شبيه(ن) للغظنفـر
يزيدك فخـر وتزيـده مهابـه
وتخيـر للولـد خال(ن)يبشـر
بفعله عند مـن قـام اعتزابـه
ترى بنت الشلي تنجب مزنجـر
غريمه في نهار الريـب جابـه
يجي فخر لابـوه وعـز مبـذر
عقيد القوم مـن فعلـه يهابـه
ولا تطرد وراء المقفي وتسهـر
علـى فرقـاه وفراقـك نوابـه
يضنك فيه رابـح مـا بتخسـر
وهو والله مـا يسـوى عتابـه
اقوله وانت يا السامـع تبخـر
بعلم الطيب من حرفي سرابـه
لكم مني جزيل الشكر واكحثـر
على حسن استماعي والرحابـه
وصلوا عد مالقمـراء بتظهـر
على سيد الخلايـق والصحابـه
رسول بالرساله جـاء وبشـر
|
