يـا مـدرك الأمثـال
يـا مـدرك الأمثـال خـذ مـن واقـع الخبرمقـال
درّة بـحـر لــولا طلبـهـا مانفـتـح صنـدوقـهـا
|
| |
|
الرّفقـه اللـي حـد مبناهـا تحـت فـي الـضـلال
شجرة سري ٍ لا نشف ماهـا تمـوت عروقهـا
|
| |
|
مـن دورة الأيـام بالتّجريـب ودروس اللـيـال
خذهـا حقيقـة تجربـه سبـع اللـغـات تفوقـهـا
|
| |
|
ترى الثّقه مثل الأمانه كنـز بصـدور الرّجـال
تخسر ليا نزّلتها فـي سـوق مـا هـو سوقهـا
|
| |
|
كان الرّدي مضمونها في خاطره روح وتعال
حنّا الرّجال اللـي ليـا هانـت تعـرف حقوقهـا
|
| |
|
يوم إنّها توخذ عشاوه بيـن عـم وبيـن خـال
باللـيـن والـشـدّات نـدراهـا ونـرفـى فتـوقـهـا
|
| |
|
نفدابهـا بالماقـف اللـي يقصـر ٍ عنـه الحبـال
تشهد لنـا طرقـة حمـاة الجـار مـع طاروقهـا
|
| |
|
لو ثمّنوهـا بالرّخيـص اللـي حقيقتهـم خيـال
نـاس ٍ ثقتهـا بــس قــد بطونـهـا وشدوقـهـا
|
| |
|
ذولك مسايرهم على راع النّقاء عيب ووبـال
غلطـه ليـا فاتـت مـع الأيـام صعـب لحوقـهـا
|
| |
|
لا كنّها تكشـف نوايـا أهـل الغـدر والإحتيـال
الحنظـلـه مــن ذاق ملحتـهـم لــزوم يذوقـهـا
|
| |
|
كد قيل عن حال القرين ليـا جهلتـه لا تسـال
شف صحبته بالمجتمع وألبس جواده طوقها
|
| |
|
تلقى الرّجال مع الرّجال اللي يشيلون الثّقـال
وتلقى التّبوع مـع التّبـوع مقطّعـات سبوقهـا
|
| |
|
والكل منهـم لـه مسيـره بالحيـاه ولـه مجـال
مـن بـاق أمانـة خالقـه كـل العـهـود يبوقـهـا
|
| |
|
العرف والمعروف بين النّـاس باقـي لا يـزال
ليـن الأمانـه عندهـم تسفـى الـذّواري فوقهـا
|
| |
|
هذا الزّمان اللي به العاقل خطير مـن الهبـال
تـيّـار مــوج ٍ غبّـتـه مـــا يـنّـطـح زاروقـهــا
|
| |
|
عن ما يريبك ياعزيز النّفـس لـك بالإعتـزال
سلوى وراحه عن كدر نفسك وكثر حروقهـا
|
| |
|
والعـز فـي تقـواك للمعبـود يـاواف الخصـال
قـدّام تـنـزل باللـحـود الـلـي يــروّع ضوقـهـا
|
| |
|
وراك ديّـان ٍ لـيـا صافـحـك شـدّيـت الـرّحـال
حلّـيـت دار ٍ تحـجـب الأنـظـار دون طبوقـهـا
|
| |
|
بالعزله اللـي مـن نـزل فيهـا قمـر وإلا هـلال
طـوّل غيابـه مـع نجـوم ٍ مستحيـل شروقهـا
|
| |
|
إلا بيـوم ٍ تجسـر بحـوره وتصتـفـق الجـبـال
وقلـوب بنـي آدم مـن أحداثـه تسـد حلوقـهـا
|
| |
|
تنصب موازين العداله والوفاء صاعـه يكـال
وتستافي الجمّاء مـن أم قـرون عـد طقوقهـا
|
| |
|
يـارب كمّـل ناقـص الأعمـال يــاراع الكـمـال
علّقت آمالي والظنـون البيـض فـي معلوقهـا
((حمـــاد بــن
مريزيق البشـري ))
|
